Dovdomearkkat
Tráhpá ceahkis 3 lea gárggiidan norbmarihkku láhttema normaliseren. Sáhttá dáin leat sáhka:
- Mánát ja nuorat geat eai čuovo bissovaš struktuvrraid ja rutiinnaid.
- Eahpesávahahtti giellageavaheapmi joavkkus.
- Joavku mii dahká nugo ieš dáhttu.
- Mánát ja nuorat geat badjelgehččet divvumiid ja/dahje rávesolbmuid hovdema.
- Mánát ja nuorat geat muosehuhttet, bilidit dahje dahket bahádaguid.
- «Moiven»
- Rávesolbmuid geahnohis njuolggadushovden.
Go norbmarihkku láhttema normaliseren šaddá, de lea sajáiduvvan ođđa normála standárda maid olmmoš roahkada dahkat ja maid ii roahkat dahkat. Mánáid ja nuoraid joavku lea ieš váldán badjelasas stivrejumi, ja lea ráhkadan alcces sierra standárdda.
Mearkan ahte norbmarihkku láhttema normaliseren lea dáhpáhuvvan sáhttit mii gullat boarráset mánáid ja nuoraid legitimeremin láhttema masa rávesolbmot reagerejit dajahusaiguin: «Dii ehpet ádde, ná mii leat guhtet guimmiideamet vuostá, dat lea ortnegis» dahje «Ná mii dahkat, buohkat leat searvvis». Go dát dáhpáhuvvá, de leat rávesolbmot manahan sajádaga norpmaid bagadallin.
Norbmarihkku láhttema normaliseren lea sodjavaš čuohcat iešguđege láhkai. Go mánát ja nuorat «moivejit» guhtet guimmiideasetguin bilkideaddji govvidusaiguin, doškestemiiguin dahje guhtet guimmiideaset biergasiid čiehkamiin, de lea dat sodjavaš čuohcat garraseappot soapmásiidda go earáide. Soapmásiidda geaidda dát čuohcá, ii leat dát šat stoahkan ja moiven. Dat lea duođalaš ja lea oaivvilduvvon duođas. Dát lea givssidanláhtten mii lea beitojuvvon legitimerema bokte dán normála láhttemin buot ovtta ahkásaččaide.
Go norbmarihkku láhttema normaliseren dáhpáhuvvá, de dáhpáhuvvá juoga searvevuođa kvaliteahtain. Dáhpáhuvvá juoga dorvvolašvuođa, gullevašvuođa, diehttevašvuođa, molsašuvvama, máŋggabealatvuođa ja meinnega vásihemiin. Dáhpáhuvvan lea juoga norpmaiguin maid nuppis lea lohpi dadjat ja dahkat nuppi vuostá.
Mánáidgárdi/skuvla ferte fuolahit oassegeatnegasvuođain, ja ráhkadit doaibmabijuid mat veahkehit joavkku šaddat dorvvolažžan ja buorren buohkaide, ja sajáiduvvá fas ceahkkái 1 ja 2.
Juos eai dahkkojuvvo doaibmabijut ceahkis 3, de lea lávki oanehaš ceahkkái 4.
Riskabealit
Bargoneavvut ja doaibmabijut
- Buđaldanplána
- Riskalađastallan (man Ann Tone ráhkadii)