Vásihit searvevuođa ja dovdat iežas fátmmastuvvon leat vuđolaš dárbbut, ja leat deaŧalaččat mánáid ja nuoraid ahtanuššamii, oahppamii ja loaktimii. Vásihit searvevuođa ja dovdat iežas fátmmastuvvon leat vuđolaš dárbbut ja leat deaŧalaččat mánáid ja nuoraid ahtanuššamii, oahppamii ja loaktimii.
Dát bargoneavvu lea ráhkaduvvon veahkehan dihtii du gii sáhkkiigušat diehtit movt joavkku searvevuohta doaibmá. Dat lea smiehttanbargoneavvu mii galgá veahkehit vuogádatlaččat árvvoštallat iešguđetlágan searvevuođakvaliteahtaid. Bargoneavvu galgá geavahuvvot árvvoštallat ovttaskasolbmo vásihusa, muhto maiddái dahkat smiehttamušaid searvevuođakvaliteahtaid birra olles dahje osiin joavkkus.
FUOM! Buot bargoneavvuid ferte oaidnit oktalaččat vai oažžu ollislaš áddejumi. Buot videoovdanbuktimiid oažžu geavahit nuvttá barggus lasihit dieđu, máhtu ja áddejumi.
Searvevuođakvaliteahtat leat:
Dorvvolašvuođa vásiheapmi
Oktagasa áddejupmi
Mus lea gii nu gi geahččá mu bearrái, veahkeha mu ja geasa mun luohtán.
Joavkku áddejupmi
Buohkat liikojit, gehččet bearrái ja luhttet guhtet guoibmáseaset.
Ruoksat
Uhccán positiiva vásihusat searvevuođas
Manná oktonassii. Geassáda eret iešguđetlágan sosiála dilálašvuođain. Oažžu áinnas negatiiva «máhcahagaid» go viggá lahkanit nuppiide. Go juoga negatiivvalaš dáhpáhuvvá, de ii leat oktage gii jeđđe dahje veahkeha.
Fiskat
Molsašuddi meare positiiva vásihusat searvevuođas
Ruoná
Eanaš positiiva vásihusat searvevuođas
Cealká positiivvalaččat buđaldemiid hárrái. Buktá evttohusaid ja addá oaiviliid duhkorattadettiin/buđaldettiin. Juos juoga negatiivvalaš dáhpáhuvvá, de leat máŋggas geat jeđđejit, veahkehit ja bohtet doarjjan.
Buohkaid mielas lea ortnegis bivdit veahki go olmmoš lea eahpesihkar.
Gullevašvuođa vásiheapmi
Oktagasa áddejupmi
Dovddan ahte lea buorre boahtit deike ja ahte gii nu fuolaha mus ja ovddaldastá mu buorre vuogi mielde.
Joavkku áddejupmi
Buohkat addet positiiva máhcahagaid ja fuopmášit makkár dilli iešguđesge lea.
Ruoksat
Uhccán positiiva vásihusat searvevuođas
Sus lea hárve giige fárus ruoktot. Bovdejuvvo vánit mielde dihkoraddamii ja buđaldemiide. Hárvenaččat dearvvahit, moddjájit ja/dahje rávket ái go son boahtá. Oppanassii eai gallii fuopmáš go son boahtá.
Fiskat
Molsašuddi meare positiiva vásihusat searvevuođas
Ruoná
Eanaš positiiva vásihusat searvevuođas
Mus leat ustibat. Vásihan bovdejuvvot mielde duhkoraddamii. Go son evttoha juoidá, de dávistit earát eanaš positiivvalaččat. Go son boahtá, de ovddaldastojuvvo mojiiguin, buorrestemiiguin ja ávviriin.
Diehttevašvuođa vásiheapmi
Oktagasa áddejupmi
Mun dieđán mii boahtá ja movt mun ovddaldastojuvvon.
Joavkku áddejupmi
Leat buorit, oahpes ja áddejuvvon rutiinnat maid buohkat dovdet ja čađahit.
Ruoksat
Uhccán positiiva vásihusat searvevuođas
Vásiha eahpečielga njuolggadusaid ja rutiinnaid. Ollu buđaldeamit dahkkojuvvojit ráhkkankeahttá ja geksejuvvojit dađistaga. Oahppit juohkásit ieža joavkkuide ja báraide (omd. «Servet guoktásiid guoktásiid»). Vásiha bođubuđaldemiid ja earáláganbeivviid earenoamáš váttisin.
Fiskat
Molsašuddi meare positiiva vásihusat searvevuođas
Ruoná
Eanaš positiiva vásihusat searvevuođas
Buohkat dovdet njuolggadusaid ja rutiinnaid bures. Buohkat hárjehallet jeavddalaččat dáid ja rávesolbmot čuovvulit ahte buohkat máhttet.
Meinnega vásiheapmi
Oktagasa áddejupmi
Mun ádden manne lea deaŧalaš ahte mun lean dáppe.
Joavkku áddejupmi
Buohkat áddejit manne njuolggadusat ja bargamušat leat nugo leat.
Ruoksat
Uhccán positiiva vásihusat searvevuođas
Son ii oainne manne galgá oassálastit. Su jurdagat ja fuomášumit eai váldojuvvo vuhtii. Sáhttá neaktit ávvirheapmen, erdon ja berošmeahttumin. Dajaldagat nugo «In beroš», «Ii gánnet», «Ii oktage liiko munnje», «In máhte maidege» eai leat eahpedábálaččat.
Fiskat
Molsašuddi meare positiiva vásihusat searvevuođas
Ruoná
Eanaš positiiva vásihusat searvevuođas.
Su oaivilat guldaluvvojit ja váldojuvvojit vuhtii. Rávesolbmot leat čeahpit čilget manne mii galgat bargat dan maid bargat.
Máhttima vásiheapmi
Oktagasa áddejupmi
Mun oaččun muttágis hástalusaid ja máhtán maid geahččalan dahkat.
Joavkku áddejupmi
Buohkat vásihit vuordámušaid ja bargobihtáid mat heivejit sidjiide.
Ruoksat
Uhccán positiiva vásihusat searvevuođas
Son vásiha ahte ii máhte buđaldemiid, bargobihtáid dahje duhkoraddamiid. Sáhttá «boastut áddet» njuolggadusaid ja eahpelihkostuvvá go geahččala. Sáhttá dávjá oažžut siva go joavku ii máhte duhkoraddama/buđaldeami/bargobihtá.
Fiskat
Molsašuddi meare positiiva vásihusat searvevuođas
Ruoná
Eanaš positiiva vásihusat searvevuođas
Buđaldeamit, duhkoraddamat ja oahpahus čađahuvvo nu ahte buohkat vásihit ahte máhttet juoidá. Láhččojuvvojit buđaldeamit mat duddjojit jovkui oktasaš máhttinvásihusaid. «Mii» dovdu arvvosmahttojuvvo.
Sávahahtti máŋggabealatvuođa ja molsašuddama vásiheapmi
Oktagasa áddejupmi
Vásihan ahte leat máŋga vuogi movt dahkat ja máŋga vuogi movt leahkit.
Joavkku áddejupmi
Buohkat oalgguhit guhtet guimmiideaset beroškeahttá iešguđetláganvuođain ja eavttuin.
Ruoksat
Uhccán positiiva vásihusat searvevuođas
Vásihuvvo issorassan spiehkkasit das maid eanetlohku dahká/oaivvilda. Deaŧalaš lea atnit ovttalágan gárvvuid ja liikot ovttalágan áššiide. Vásiha uhccán molsašuvvama oahpahusa čađaheamis.
Fiskat
Molsašuddi meare positiiva vásihusat searvevuođas
Ruoná
Eanaš positiiva vásihusat searvevuođas
Dohkkehuvvo ja dovddastuvvo ahte olbmot máhttet iešguđet áššiid ja leat čeahpit iešguđet áššiin. Buohkat spežžot gieđaid earálaganvuođa ja iešguđetláganvuođa ovddas. Lea stuorra variašuvdna buđaldemiid, duhkoraddamiid ja oahpahusláhčosiid dáfos.
Demokráhtalaš oassálastima vásiheapmi
Oktagasa áddejupmi
Mun vásihan ahte mu oaivilat guldaluvvojit ja ahte mun beasan leat fárus mielváikkuheamen go mearrádusat galget dahkkojuvvot.
Joavkku áddejupmi
Buohkat vásihit ahte lea lohpi ieš oaivvildit ja ahte olmmoš guldaluvvo. Joavku vásiha mielváikkuheami go mearrádusat galget dahkkojuvvot.
Ruoksat
Uhccán positiiva vásihusat searvevuođas
Vásihuvvo dorvvuheapmen dadjat maid olmmoš aittonassii oaivvilda áššis. Olmmoš vásiha ahte earáid oaivilat váldojuvvojit eambbo vuhtii.
Fiskat
Molsašuddi meare positiiva vásihusat searvevuođas
Ruoná
Eanaš positiiva vásihusat searvevuođas
Buohkat roahkadit dadjat maid oaivvildit, ja oktasaš áddejupmi lea ahte juohkehaččas lea vuoigatvuohta cealkit oaivilis.