Omnimodealla bokte hábmejuvvo oktasaš áddejupmi, diehtu, máhttu ja giella barggus addit mánáide ja nuoraide dorvvolaš ja buriid mánáidgárde-, skuvla- ja bajásšaddanbirrasiid.
Modeallas leat iešguđetlágan bargoneavvut mat galget veahkehit bierggastit rávesolbmuid geat leat iešguhtege rollas dahkat dán barggu buoremus lági mielde juohke beaivvi, juohke diimmu, juohke minuhta.
Máŋga videosáhkavuoru leat almmuhuvvon ja sáhttet nuvttá geavahuvvot barggus lasihit dieđu, máhtu ja áddejumi iešguđetge oktavuođain.
Sisdoalu sáhttá geavahit máŋgga arenas:
- Olles organisašuvnnas (mánáidgárddis, skuvllas, suohkanis, fylkkasuohkanis)
- Váhnenjoavkkuin
- Valáštallanservviin ja astoáigeorganisašuvnnain
- Ovttaskasolbmot geat háliidit oahpásmuvvat áššečuolmmaide mat čatnasit mánáid ja nuoraid mánáidgárde-, skuvla- ja bajásšaddanbirrasii.
FUOM! Buot bargoneavvuid ferte oaidnit oktalaččat vai oažžu ollislaš áddejumi. Buot videoovdanbuktimiid oažžu geavahit nuvttá barggus lasihit dieđu, máhtu ja áddejumi.
Omnimodealla bargobumbá
Lágat ja njuolggadusat mat dahket Omnimodealla vuđđosa ➝
Makkár njuolggadusčállosat leat mánáidgárddis ja skuvllas go guoská vuoigatvuhtii leahkit dorvvolaš ja buorre dilis, ja movt sáhtát don dainna bargat?
Kultuvra lea rámat maid siste mii doaibmat ➝
Mii leat kultuvra? Movt sáhttit mii positiivvalaččat
váikkuhit kultuvrra mánáidjoavkkuin, luohkás, mánáidgárddis, skuvllas, klubbas dahje valáštallansearvvis?
Mánát ja nuorat leat šaddamin ja ahtanuššamin ➝
Mánát ja nuorat geavahit giela ja jurddašit eará láhkai go rávesolbmot. Muhtimin dahket maiddái dakkáriid maid mii rávesolbmot eat riekta ádde. Bargoneavvu veahkeha min áddet mánáid ja nuoraid álginsajis mii dat dáhpáhuvvá.
Rávesolbmorolla - rávesolbmuid mearkkašupmi mánáid ja nuoraid eallimiin ➝
Mánát ja nuorat deaividit iešguđet rollat rávesolbmuid geain lea ovddasvástádus iešguđet arenain. Dat mat dáhpáhuvvet iešguđet arenain váikkuhit nubbi nubbái.
Omnitráhppá čilge negatiivvalaččat gárggiideaddji searvevuođa ➝
Omnitráhppá veahkeha du oaidnit movt kultuvra nuppástuvvá eahpesávahahtti guvlui, ceahkis ceahkkái.
Šielbmánjuolggadusat standárdan searvevuhtii ➝
Iešguđiin joavkkuin ja lanjain leat iešguđetge njuolggadusat. Šielbmánjuolggadusaid (njuolggadusat mat gustojit dalángo lávket latnjii) bokte ásahuvvojit oktasaš rámat ja áddejupmi dan hárrái movt mii dáppe galgat meannudit guhtet guimmiideametguin.
Rukses ja ruoná searvevuohta ➝
Rukses ja ruoná searvevuohta leat bargoneavvut mat sáhttet veahkehit du lađastallat ja vástidit leago guoskevaš searvevuohta buorre buohkaide.
Searvevuođa kvaliteahtaid árvvoštallat ➝
Makkár kvaliteahtat leat min joavkkus, ja makkár hástalusat gávdnojit? Mainna mii fertet earenoamážit bargat? Dát bargoneavvu sáhttá čielggasmahttit kvaliteahtaid ja ovttaskasolbmo ja joavkku hástalusaid.
Bargomálle mii ovddida, eastada, bisseha ja doarju (OEBD)➝
Bargomálle OEBD (ovddidit, eastadit, bissehit, doarjut) veahkeha du gávdnat ja plánet daguid.